Kallìstê

Sì u Sognu cutratu di a Memoria,

U Silenziu pagnu, biancu è cutunosu,

A Corsa tremenda di l’Onda ghjalata

È di le Monti Eterni, u Spiritu Sacru…

Sì u Palpitu d’una ala farfalina

U sole addurmintatu in l’onda ferita,

I Passi d’Oru di Fata Matuttina,

È di le Notte Magiche, a Fiatata…

Sì l’Ochju Puru di la Natura in Festa,

U Stampu Salvaticu di e Prumesse,

U Scogliu Ribellu dumend’ a Timpesta,

È di li mo corti ghjorni, e Carezze…